Франция Илон Маскнинг ижтимоий тармоғига қарши тергов бошлади
Компания ўз алгоритмларини "чет эл аралашуви" мақсадида манипуляция қилганликда гумонланмоқда.
Франция миллиардер Илон Маскнинг Х ижтимоий тармоғига қарши жиноий иш очди.
Politico хабарига кўра, прокуратура компания ўз алгоритмларини “чет эл аралашуви” мақсадида манипуляция қилганликда гумон қилиб, жиноий иш қўзғатган.
Париж прокуратураси раҳбари Лауре Бекконинг айтишича, 9 июлда бошланган терговни кибержиноятчиликка қарши кураш бошқармаси олиб бормоқда.
У юридик шахс сифатида Х'га, шунингдек, платформани бошқарувчи жисмоний шахсларга қарши қаратилган.
Баёнотда Маскнинг номи тилга олинмаган, бироқ терговга 2022 йилда миллиардер томонидан сотиб олинганидан кейин Х ишига аралашиш ҳақидаги шикоятлар сабаб бўлган.
Июн ойи охирида Россия Ташқи ишлар вазирлиги Илон Маскга сиёсий бошпана бериш таклифи билан чиққанди. Бу француз тергови билан боғлиқми, аниқ эмас. Миллиардер ҳозирча вазиятга изоҳ бермади.
Эслатиб ўтамиз, Телеграм асосчиси Павел Дуров ҳам Парижда ушланганди.