Техасдаги сув тошқинлари оқибатида салкам 80 киши ҳалок бўлди

АҚШ ҳукуматининг сўнгги маълумотларига кўра, Техас штатидаги кучли сув тошқини қурбонлари сони 78 кишига етди.

Керр округи шерифи Ларри Лита 6 июл куни кечқурун журналистларга округда тасдиқланган ўлимлар сони 68 тага етганини айтди.

Бундан сал аввалроқ Техас губернатори Грег Абботт Керр округига қўшни туманларда 10 киши ҳалок бўлганини айтганди.

Техаснинг бир қанча округларида фавқулодда ҳолат эълон қилинган, кўплаб йўллар вайрон бўлган ва телефон линиялари узилган.

Губернаторнинг баёноти вақтида Керрда ҳалок бўлганлар сони 59 кишини ташкил қилган, улардан 21 нафари болалар. Яна 41 киши, жумладан, 10 нафар қиз бедарак йўқолган.

Ўлган ва бедарак йўқолган болалар Керрвил шаҳри яқинидаги Кемп Мистиc ёзги лагерида кучли ёмғирдан кейин тўсатдан қирғоқларидан тошиб кетган дарё яқинида бўлган.

Аввалроқ 24 қурбон ҳақида хабар берилган, ўнлаб одамлар йўқолгани айтилганди.