АҚШда сув тошқинлари сабаб 24 киши ҳалок бўлди
Камида 23-25 киши эса бедарак йўқолган.
АҚШнинг Техас штатидаги сув тошқинлари оқибатида 24 нафар киши ҳалок бўлди, 25 нафаргача бола бедарак йўқолган.
Техаснинг Керр округида кучли сув тошқини оқибатида камида 24 киши ҳалок бўлди, дея ёзмоқда ОАВ.
Камп Мистиc қизлар ёзги лагерида камида 23-25 киши бедарак йўқолган.
Ҳозиргача камида 237 киши қутқарилган ёки эвакуация қилинган.
Техас губернатори Грег Абботт ҳодисаларни фалокат деб атади ва фавқулодда ҳолат эълон қилди, бу эса қутқарувчиларга барча зарур ресурслардан фойдаланиш имконини беради.
Қутқарув ишлари фақат кундузи эмас, тунлари давом этади. Губернатор бедарак йўқолганларни қидириш давом этишини айтди.
Расмийларнинг айтишича, об-ҳаво прогнозлари бунчалик кўп миқдордаги ёмғирни башорат қилмаган.
АҚШ президенти Доналд Трамп сув тошқинларини даҳшатли ва талофатли деб атади.
Аввалроқ Индонезияда паром чўкиб бир неча киши ҳалок бўлганди.