Профилактика инспекторини пичоқлаган шахс ушланди
У қўлга олиш жараёнида ўзига пичоқ билан жароҳат етказган ҳамда биринчи тез тиббий ёрдам кўрсатилиб, шифохонага олиб борилган.
Андижонда профилактика инспекторини пичоқлаган шахс ушланди. Бу ҳақда ИИВ матбуот хизмати хабар берди.
2025 йил 1 июл куни Андижон вилояти Хўжаобод тумани “Юксалиш” маҳалласида ҳудуд профилактика инспектори катта лейтенант Абдувалиев Абдурасул Қахарович хизмат бурчини бажариш чоғида оғир тан жароҳати олиши натижасида вафот этгани ҳақида хабар берилган эди.
Гумонланувчи Ю.Холбозоров жорий йилнинг 4 июль куни соат тахминан 06:30 ларда Хўжаобод туманида жойлашган “Юксалиш” маҳалласи “Сўқолоқ“ қабристонидаги маккапоя ичида яшириниб ётганлиги аниқланган, қўлга олиш жараёнида у ўзининг қорин қисмига пичоқ билан жароҳат етказган ҳамда биринчи тез тиббий ёрдам кўрсатилиб, шифохонага олиб борилган.
Ҳозирда мазкур ҳолат юзасидан Ўзбекистон Республикаси Жиноят кодексининг 97-моддаси 2-қисми “г” банди билан жиноят иши қўзғатилган ҳамда тергов ҳаракатлари олиб борилмоқда.
Эслатиб ўтамиз, профилактика инспектори бир неча кун аввал пичоқланган, гумордор қочишга муваффақ бўлганди.