Трамп Украинага қурол етказиб беришни бир неча ойга тўхтатмоқда
АҚШнинг Киевга янги ёрдам, хусусан Patriot ҳаво мудофаа тизимларини етказиб бериши ҳам сўроқ остида қолмоқда.
Қўшма Штатлар Украинага ҳаво ҳужумидан мудофаа тизимлари, артиллерия снарядлари ва ракеталарни етказиб беришни бир неча ойга тўхтатмоқда.
Президент Доналд Трамп бошчилигидаги Америка маъмурияти қарори ҳақида The New York Times хабар бермоқда.
“Президент Трамп Украинага ҳаво ҳужумидан мудофаа тизимларининг айримларини, шунингдек, бомба ва ракеталарни етказиб беришни тўхтатиб қўйди ва бу Пентагоннинг АҚШдаги бу қуроллар захиралари ҳаддан ташқари камайиб бораётганидан хавотирга тушди.
Айрим расмийлар ўқ-дорилар бир неча ой давомида Киевга етказиб берилмаслигини айтишди”, — деб ёзади газета.
Пентагон расмийларига кўра, Вашингтон Patriot ҳаво ҳужумидан мудофаа тизимлари учун тутқичлар, аниқ артиллерия снарядлари ва Украина ҳарбий-ҳаво кучлари Америка F-16 қирувчи самолётларидан учираётган ракеталарни етказиб беришни тўхтатмоқда.
25 июн куни Трамп Киевга янги ёрдам, хусусан Patriot ҳаво мудофаа тизимларини етказиб бериш ҳақидаги саволга жавоб берди. Унинг таъкидлашича, бу турдаги қурол биринчи навбатда АҚШ ва Исроилга керак.
Шунингдек, Оқ уй раҳбари Вашингтон Украинага янги ёрдам пакети ажратадими ёки йўқми, деган саволга аниқ жавоб бермади.