Шавқатсиз, аммо даромадли K-pop
Клиплардаги ёрқин саҳналар ва чиройли юзлар бизда орзулар уйғотади. Аммо шу орзулар ортида қандай ҳақиқат яширин?
Биз экрандан кўриб келаётган кино ва мусиқалар орқали Жанубий Корея ҳаётини гўё мукаммал, романтик бир оламдек тасаввур қиламиз. Дорамалардаги сценарийлар, K-pop клипларидаги ёрқин саҳналар ва чиройли юзлар бизда орзулар уйғотади. Аммо шу орзулар ортида қандай ҳақиқат яширин? Бугун биз K-pop санъати ва идоллар ҳаётига чуқурроқ назар ташлаймиз.
Ҳақиқатда бу машҳурлик ва мусиқа олами – чиройли кўринадиган саҳна орти қандай ҳаётни яширади? Бизга идеал кўрингандек ҳаётми ёки руҳий босим, стресс ва жамиятнинг қатъий меъёрларига тўла дунёми?
Драмалар орқали кўрган ҳаёт бизга ҳақиқатдек туюлади, аммо бу тасвирлар орқасида яширин қийинчиликларни кўра олмаймиз. K-pop идоллари эса балки ўзлари ҳам ушбу идеал кўриниш ортида оғир азобларга дуч келаётган инсонлардир.
Хўш, ўзи идоллар ким? Ва идол бўлиш учун нималар қилиш керак?