Ҳаж мавсумида 8 ўзбекистонлик вафот этди
Улардан тўрт нафари зиёратга ноқонуний йўллар билан борган.
2025 йилги Ҳаж зиёратида 8 ўзбекистонлик вафот этди.
Бу йилги Ҳаж ибодати пайтида кузатилган жазирама натижасида ва сурункали касаллиги бўлган тўрт нафар ватандош Саудия Арабистонида вафот этди.
Шунингдек, Ўзбекистон мусулмонлари идорасининг огоҳлантиришларига қарамай бу йилги Ҳаж мавсумига ноқонуний йўллар билан борган яна тўрт нафар ўзбекистонлик ҳам ушбу мамлакатда оламдан ўтди.
Бундан ташқари, Ҳаж ибодати тугаганидан сўнг Бош консулхонага 40 нафардан зиёд зиёратчилар хорижга чиқиш паспортларини йўқотгани боис Ўзбекистонга қайтиш гувоҳномасини расмийлаштириш учун мурожаат қилган.
Жорий йилдаги Ҳаж мавсумига ўзбекистонлик ҳожиларнинг Саудия Арабистонига келишлари 13 майдан бошланиб, 30 майга қадар давом этди.
Шунингдек, Ҳаж ибодатлари тугаганидан сўнг ҳожиларнинг Ўзбекистонга қайтиб кетиши 12 июндан бошланди. Сўнгги ҳожилар 29 июн куни ҳаво қатновлари орқали Ватанга қайтишди.