Forbes: Кондиционерлар аномал иссиққа сабаб бўлмоқда
Агар Париж ёки бошқа йирик шаҳардаги барча кондиционерлар бир вақтнинг ўзида ўчирилса, ҳаво ҳарорати бир зумда 2 даражага пасайиши мумкин.
Кондиционерлардан фойдаланиш ташқи ҳавога сезиларли таъсир туфайли глобал исиш жараёнини кучайтиради.
Бу ҳақда Forbes France нашри ёзган.
Агар Париж ёки бошқа йирик шаҳардаги барча кондиционерлар бир вақтнинг ўзида ўчирилса, ҳаво ҳарорати бир зумда 2 даражага пасаяди, деб ёзади нашр.
Францияда атроф-муҳитни муҳофаза қилиш ва энергияни бошқариш агентлигининг ҳисоб-китобларига кўра, аҳолининг тўртдан бир қисми кондиционерлардан фойдаланади, 2014 йилда бу улуш 14% ни ташкил этарди.
2050 йилга бориб бутун дунё бўйлаб кондиционерлар сони 5,5 миллиардга етиши мумкин, деб ёзади Forbes.
Нашр АҚШ ва Австралияда кондиционерларни фақат ҳаддан ташқари иссиқлик даврида ёқиш ва қолган вақтда вентильяторлардан фойдаланиш одатий ҳол экани ҳақида гапиради. Бу нафақат энергия харажатларини камайтиради ва атроф-муҳитга зарарни камайтиради, балки электр тўловларини ҳам камайтиради.
Кондиционерлардан кунига тахминан 4 соат фойдаланиш ҳисобни ойига ўртача 15% га оширади.
Аввал хабар берганимиздек, Европада ғайритабиий иссиқликнинг чўққиси 2 июл куни кутилмоқда. Огоҳлантиришлар Испания, Португалия, Италия, Франция, Германия ва Буюк Британияда эълон қилинган. Португалия еттита туманда +43° ҳароратда қизил сигнал эълон қилди. Францияда бугун ҳарорат +41° гача кўтарилиши кутилмоқда.