Сирдарёда ичимлик суви нархи салкам икки баробарга ошади
Бир метр куб ичимлик суви нархи аҳоли учун 4500 сўмга етади.
Сирдарё вилоятида ичимлик суви ва оқова сув хизматлари нархи оширилади. Бу ҳақда 2025 йил 26 июн куни Халқ депутатлари Сирдарё вилояти кенгаши қарори эълон қилинди.
Унга кўра, ичимлик суви нархи аҳоли учун 4500 сўмга етади ( 1 метр куб ҳажм). Бюджет ташкилотлари учун бу нарх 13 минг сўмни ташкил этади (амалдаги нарх 7 минг). Улгуржи истеъмолчилар учун ҳам шу нарх амал қилади.
Аҳоли учун оқова сув хизматлари нархи 800 сўмдан 1200 сўмга кўтарилади. Улгуржи истеъмолчилар ва бюджет ташкилотлари учун нарх 3350 сўм этиб белгиланади.
Автотранспорт воситаларида сувни ташиб бериш 1 км учун 18 913 сўмни ташкил этади.
Мазкур қарор эълон қилингандан ўн беш кун ўтиб кучга киради.
Ушбу ойда Бухорода ҳам сув нархи ошди.
Шунингдек, 1 июлдан "Тошкент вилояти сув таъминоти" томонидан аҳолига етказиладиган ичимлик суви нархи 1 метр куб учун 2912 сўмга етади.