Самарқандда чиқиндиларни қабул қилиш нархи ошди
Эндиликда қаттиқ маиший чиқиндиларни полигонда қабул қилиш нархи 1 тонна учун 44 672 сўмни ташкил этади.
Самарқанд вилоятида қаттиқ маиший чиқиндиларни чиқинди полигонида қабул қилиш ва сақлаш нархлари ўзгармоқда.
Бу ҳақда Халқ депутатлари Самарқанд вилояти кенгаши қарори эълон қилинди. Қарор 2025 йил 20 июн куни эълон қилинди.
Қарор иловасига кўра, 1 метр квадрат учун чиқиндиларни қабул қилиш тарифи ҚҚСсиз 16 433 сўмни ташкил қилади (ҚҚС билан 18 405 сўм). 1 тонна учун 39 886 сўм (ҚҚСсиз), ҚҚС билан 44 672 сўмни ташкил этади.
Қарор эълон қилинган кундан кучга кириши белгиланган.
Аввалроқ Самарқанд ва Навоий вилоятларида чиқинди олиб кетиш тарифлари ошганди.