Автомашина қўйиш учун жой талашган ҳайдовчилар ўртасида пичоқбозлик рўй берди
Бу ҳақда прокуратура ва ички ишлар органлари иштирокидаги йиғилишда маълум қилинган.
Андижонда машинаси учун жой талашга ҳайдовчи шеригини пичоқлади. Бу ҳақда Андижон вилояти прокурори Муродилло Абдуҳакимов ҳамда Ички ишлар бошқармаси бошлиғи Санжар Джабаровлар раислигида бўлиб ўтган муҳокамада маълум қилинган.
Тадбир аввалида, икки нафар ҳайдовчининг автомашина қўйиш учун жой талашиб, жанжаллашиб кетиши оқибатида бири иккинчисига тиғли жисм орқали тан жароҳати етказганлиги ҳолати йиғилганларга маълум қилинган. Ушбу жиноятнинг келиб чиқишига шарт-шароит яратган омиллар туб илдизигача таҳлиллар асосида танқидий муҳокама қилинди.
Шунингдек, Андижон шаҳрида «Тиғ» профилактик тадбирлари суст даражада ўтказилаётганлиги, бунга масъул бўлганлар томонидан иш талаб даражасида ташкил этилмаганлиги ҳам танқид остига олиниб, бу борадаги тарғибот ишларини кучайтириш бўйича аниқ вазифалар белгилаб берилди, дейилади хабарда.