Шавкат Мирзиёев Ҳиндистон раҳбариятига ҳамдардлик билдирди
Аҳмадобод шаҳрида бортида 242 киши бўлган самолёт ҳалокатга учради. Ҳалок бўлганларнинг аниқ сони ҳали эълон қилинмади.
Шавкат Мирзиёев Ҳиндистон раҳбариятига ҳамдардлик билдирди.
Ўзбекистон Республикаси Президенти Шавкат Мирзиёев Аҳмадобод шаҳри ҳудудида юз берган авиаҳалокат оқибатида кўплаб инсонлар ҳалок бўлгани ва жиддий жароҳат олгани муносабати билан Ҳиндистон Республикаси Президенти Драупади Мурму ва Бош вазири Нарендра Модига таъзия мактуби йўллади.
Давлат раҳбари қурбон бўлганларнинг оила аъзолари ва яқинларига, бутун Ҳиндистон халқига чуқур ҳамдардлик изҳор этди, жароҳат олганлар тез фурсатда соғайиб кетишини тилади.
Сўнгги маълумотларга кўра, ҳозирда қурбонларнинг аниқ сони йўқ. Самолёт бортида жами 242 киши бўлган. ОАВ 30 кишининг жасади топилгани ҳақида хабар бермоқда.