Наманган шаҳар ҳокимлигига салкам 4,5 млрд сўм ажратилади
Пуллар жисмоний ва юридик шахсларга етказилган мулкий зарарларни компенсация қилиш жамғармаси ҳисобидан берилади.
Наманган вилояти ҳокими Шавкат Абдураззоқов маблағ ажратиш бўйича фармойишни имзолади. Фармойиш 2025 йил 11 июн куни имзоланган.
Унга кўра вилоят ҳокимлиги ҳузуридаги “Жисмоний ва юридик шахсларга етказилган
мулкий зарарларни компенсатция қилиш бўйича мақсадли жамғарма” маблағлари ҳисобидан Наманган шаҳар ҳокимлигига 4 467 972,0 (тўрт миллиард тўрт юз олтмиш
етти миллион тўққиз юз етмиш икки) минг сўм ажратилади.
Наманган шаҳар ҳокимлиги маблағларни сарфлаш чораларини кўради. Фойдаланилмай қолган пуллар жамғармага қайтарилади.
Фармойиш ижросини таъминлаш ҳоким ўринбосари Ғ. Жамалов зиммасига юкланган.
Шавкат Абдураззоқов аввал Янгиқўрғон туманига ҳам пул ажратганди.