Улкан дўппи кимошди савдосига қўйилди
Ундан тушган маблағ оққон касалига чалинган болаларга сарфланади.
Футбол ғурурининг рамзи — улкан дўппи жаҳоннинг турли бурчакларида ўзбек футболчиларига ҳамроҳлик қилган, қанчадан-қанча ғалаба ва мағлубиятларга гувоҳ бўлган.
Унинг эгаси — андижонлик машҳур футбол мухлиси, Андижон фан-клуби фаоли Нодирбек Тўйчиев уни “Сен кучлисан” хайрия жамоасига туҳфа этди.
Эндиликда у онлайн кимошди савдосига қўйилади. Ундан тушган маблағ оққон касалига чалинган болаларга сарфланади.
Аукционда иштирок этмасангиз, бемор болажонлар учун эҳсон қилишингиз мумкин. Тушумлар ҳақида маълумот ёритиб борилади.