Самарқандда чиқинди тарифлари қимматлашмоқда
Янги тарифлар бугун, 3 июндан кучга кириши белгиланган.
Халқ депутатлари Самарқанд вилояти кенгаши қарори билан чиқинди тарифлари оширилмоқда. Бу ҳақда 2025 йил 3 июн куни эълон қилинган ҳужжатда айтилади.
Ҳужжат эълон қилинган кундан бошлаб кучга кириши белгиланган.
Жумладан, Самарқанд шаҳри ва Самарқанд туманида маиший чиқиндиларни олиб кетиш 9500 сўмга етди (бир киши учун бир ойда). Юридик шахслар учун 1 тонна чиқинди олиб кетиш 251 минг сўм, суюқ чиқиндилар эса 119 400 сўмга етди.
Каттақўрғон шаҳри ва туманлар бўйича бу нарх 8 минг сўмни ташкил этди. Юридик шахслар учун 1 тонна чиқиндини олиб кетиш нархи 215 минг сўм,суюқ чиқиндилар учун 97 400 сўмни ташкил этди.
Чиқинди тарифлари бўйича 2024 йил апрелдаги қарор ўз кучини йўқотган дея ҳисобланади.