Икки қизалоқни қутқарган марҳум мукофотланди
Президент Абдуманноп Самиқовни “Жасорат” медали билан мукофотлаш тўғрисидаги фармонни имзолади.
Шавкат Мирзиёев чўкаётган қизларни қутқарган марҳумни мукофотлади.
Шу йил 5 май куни Тошкентдаги Бўрижар каналида қизларни қутқарган фуқаро ҳалок бўлганди.
Яккасарой туманида яшовчи икки нафар қизалоқ каналга тушиб кетди. Фуқаро Абдуманноп Самиқов ўзини сувга ташлаб, норасидалар ҳаётини сақлаб қолди. Лекин, афсуски, бахтсиз ҳодиса рўй берди – бу эзгулик йўлида унинг ўзи қаҳрамонларча ҳалок бўлди.
Давлат раҳбари марҳумнинг рафиқаси ва фарзандларига ҳамдардлик билдирди.
Бугун ҳурматли Президент марҳум Абдуманноп Самиқовни “Жасорат” медали билан мукофотлаш тўғрисидаги фармонни имзолади.
Шунингдек, қизалоқларни қутқаришда жонбозлик кўрсатган “Бўрижар” спорт мажмуаси ишчиси Нурмуҳаммад Мамасалиев ҳам “Жасорат” медали билан тақдирланди.