Навоийда банк мутахассиси қўлга олинди
У ўз отаси бошқариб келаётган ернинг катта қисмини 200 млн сўм эвазига бошқанинг номига расмийлаштириб беришни ваъда қилган.
Навоийда банк ходимининг ноқонуний ҳаракатига чек қўйилди.
Хатирчи туманидаги тижорат банкларидан бирининг мутахассиси ҳозирда ўз отаси бошқариб келаётган боғдорчилик ва узумчиликка ихтисослашган фермер хўжаликка туман ҳокимининг 2021 йилдаги қарори билан ижарага берилган 22,6 гектар ер майдонининг 18,7 гектар қисмини 200 млн сўм эвазига харидор номига расмийлаштириб беришни ваъда қилади.
Давлат хавфсизлик хизмати ходимлари томонидан Иқтисодий жиноятларга қарши курашиш департаменти билан ҳамкорликда тезкор тадбирда ўтказилди.
Унда банк мутахассиси 190 млн сўм олган вақтида ашёвий далиллар билан ушланди.
Ҳозирда ҳолат юзасидан мазкур шахсга нисбатан Жиноят Кодексининг 25,168-моддаси 4-қисми “а” банди билан жиноят иши қўзғатилиб, тергов ҳаракатлари олиб борилмоқда.
Аввалроқ ДХХ турли жиноятлар ҳақида хабар берши учун Call-марказини ишга туширганди.