Путин Украинага тўғридан тўғри музокаралар ўтказишни таклиф этди
Россия раҳбари Москва Киевнинг Ғарбдаги иттифоқчилари таклиф қилган янги ўт очишни тўхтатиш келишувига рози бўлишга тайёр эмаслигини ҳам айтиб ўтди.
Россия президенти Владимир Путин Киевга ўт очишни тўхтатиш бўйича тўғридан-тўғри музокараларни “ҳеч қандай шартларсиз” давом эттиришни таклиф қилди.
Бу 15 май куни Истанбулда содир бўлиши мумкин, деди Россия президенти Кремлда.
Унинг нутқи тахминан 20 дақиқа давом этди.
“Музокаралар давомида янги сулҳ бўйича келишиб олиш мумкин”, деди Путин ва ҳозир “тўп Украина майдонида” эканини айтди.
Путин, шунингдек, Москва Киевнинг Ғарбдаги иттифоқчилари таклиф қилган янги ўт очишни тўхтатиш келишувига рози бўлишга тайёр эмаслигини ҳам очиқ айтди.
Аввалроқ, 10 май, шанба куни АҚШ, Германия, Буюк Британия, Франция, Полша ва Украина етакчилари Москвага 12 майдан бошлаб 30 кунлик ўт очишни тўхтатиш режимини эълон қилишни таклиф қилишган эди.
Киев Россия президентининг таклифига ҳозирча изоҳ бермади.
Франция ппрезиденти Эммануэл Макрон Путиннинг таклифига изоҳ берар экан, "уни етарли эмас" деб атади ва лекин силжиш борлигини айтди.