Ойлик 8-15 млн сўмгача: қурувчилар “Янги Тошкент”га ишга таклиф этилмоқда
Ишчилар ётоқхона, кийим-кечак, транспорт хизмати ва 3 маҳал иссиқ овқат билан таъминланади.
Қурилиш ва уй-жой коммунал хўжалиги вазирлиги ҳамда Камбағалликни қисқартириш ва бандлик вазирлиги қурилишда ишлаётган юртдошларимизни 20 минг гектар ер майдонида барпо этилаётган “Янги Тошкент”даги қурилиш ишларига таклиф этмоқда.
Бунда 38 турдаги йўналишда 10 мингга яқин соҳа вакилларига талаб мавжуд. Ойлик-маош иш тури ва соатидан келиб чиқиб, ўртача 8 млн сўмдан 15 млн сўмгачани ташкил этади. Ишчилар ётоқхона, кийим-кечак, транспорт хизмати ва 3 маҳал иссиқ овқат билан таъминланади.
Талабгорлар Камбағалликни қисқартириш ва бандлик вазирлигининг 1176 рақамига қўнғироқ қилишлари мумкин.