Toshkentdagi xonadonda gaz chaqnashi sodir boʻldi
Oqibatda bir kishi kuyish tan jarohati olgan.
Toshkentdagi xonadonlardan birida gaz chaqnadi. Oqibatda bir kishi jarohat oldi.
26 fevral kuni Toshkent shahar FVBga Yashnobod tumani, “Doʻstobod” MFY, Mahtumquli koʻchasida joylashgan koʻp qavatli uylarning birdagi xonadon oshxonasida gaz-havo aralashmasining chaqnash sodir boʻlganligi toʻgʻrisida xabar tushgan.
Aytilgan manzilga yongʻin-qutqaruv ekipajlari yetib borgan. Hodisa natijasida yongʻin sodir boʻlmagan.
Chaqnash oqibatida 1 nafar fuqaro kuyish tan jarohati olib, shifoxonaga yuborilgan.
Voqea joyiga FVB, IIBB, SSB, prokuratura va boshqa tegishli tashkilotlar xodimlari yetib borgan.
Hozirda mazkur holat yuzasidan dastlabki tergovoldi surishtiruv ishlari olib borilmoqda, deyiladi FVB xabarida.