Нью-Йоркда ҳайдовчилар тирбандлик вақтида марказга кириш учун пул тўлайди
Мазкур механизм шаҳар марказидаги автомобиллар сонини 10 фоизга қисқартириши кутилмоқда.
Нью-Йоркда ҳайдовчилар тирбандлик вақтида шаҳар марказига кириш учун 9 доллар тўлайди. Бу ҳақда Financial Times (ФТ) газетасида чоп этилган материалда айтилади.
Республикачилар аллақачон АҚШнинг сайланган президенти Доналд Трампни ушбу ташаббусни бекор қилишга чақиришган.
Иш кунларида соат 21:00 дан 5:00 гача ва дам олиш кунлари соат 21:00 дан 09:00 гача Манхеттенга кириш нархи 2,25 долларгача бўлади.
Кичик юк машиналари ҳайдовчилари учун ставка 14,40 долларни, катта транспорт воситалари ҳайдовчилари учун 21,60 долларни ташкил қилади.
Мазкур механизм шаҳар марказидаги автомобиллар сонини 10 фоизга қисқартириш ва келгусида йиғилган 15 миллиард долларни жамоат транспорти тизимини ривожлантиришга йўналтириш имконини бериши кутилмоқда.
Шаҳар транспорт бошқармаси бош директори Жанно Либернинг айтишича, режа сўнгги беш йил давомида ишлаб чиқилган.
Қўшни Ню-Жерси штатидан адвокатлар бу ташаббуснинг олдини олмоқчи бўлишди ва суд қарорини талаб қилишди, аммо уриниш муваффақиятсиз тугади.
2024 йилда Inrix транспорт мониторинги платформаси Нью-Йоркни дунёдаги энг тирбанд шаҳар деб тан олди.
Маҳаллий автоуловчилар йилига ўртача 101 соатни тирбандликда ўтказиб, шаҳар иқтисодиётига 9,1 миллиард доллар зарар етказади.