Isroil va Livan harbiy harakatlarni toʻxtatishga kelishdi
AQSh prezidenti Jo Bayden oʻz murojaatida Isroil va "Hizbulloh" oʻrtasidagi mojaro tugaganini eʼlon qildi.
Isroil va "Hizbulloh" jangovar harakatlarni toʻxtatmoqda, Isroil hukumati oʻt ochishni toʻxtatish boʻyicha kelishuvni maʼqulladi.
"Biz Qoʻshma Shtatlar bilan kelishilgan holda harbiy harakatlar uchun toʻliq erkinlikni saqlab qolamiz. Agar" Hizbulloh" kelishuvni buzsa – qurollanishga, infratuzilma qurishga yoki raketa uchirishga harakat qilsa – biz zarba beramiz", dedi Netanyaxu.
AQSh prezidenti Jo Bayden esa Isroil va "Hizbulloh" oʻrtasidagi mojaro tugaganini eʼlon qildi.
Bayden Oq uydagi nutqi chogʻida Isroil va Livan hukumatlari sulh taklifini qabul qilganini aytdi, deb xabar berdi CNN.
Unga koʻra, sulh 27 noyabr, chorshanba kuni mahalliy vaqt bilan soat 4:00 da kuchga kirgan. Ayni paytda barcha harbiy harakatlar toʻxtatilishi kerak. Bu doimiy sulh boʻlishi kerak.
Bundan tashqari, u Qoʻshma Shtatlar Gʻazodagi garovga olinganlar boʻyicha oʻt ochishni toʻxtatish va kelishuvga erishish uchun yana urinishlar qilishini aytdi.
Livan Bosh vaziri Najib Mikati AQSh rahbari bilan telefon orqali gaplashgani va uning saʼy-harakatlari va qoʻllab-quvvatlagani uchun minnatdorchilik bildirgan.