Зудлик билан вакцина ишлаб чиқариш зарур бўлган хасталиклар рўйхати эълон қилинди
ОИВ, безгак ва туберкулёзга қарши янада самарали вакциналар яратиш бўйича изланишларни давом эттириш керак. Бу касалликлардан йилига 2,5 млндан ошиқ одам вафот этмоқда.
ЖССТ томонидан зудлик билан вакциналар ишлаб чиқиш зарур бўлган касалликлар рўйхатини эълон қилинди.
Ташкилот тезкор равишда янги вакциналар ишлаб чиқиш зарур бўлган 17 та патоген рўйхатини тақдим этди.
Мутахассислар хулосасига кўра, ОИВ, безгак ва туберкулёзга қарши янада самарали вакциналар яратиш бўйича изланишларни давом эттириш керак. Чунки худди шу хасталиклар туфайли йилига 2,5 миллион киши ҳаётдан кўз юммоқда.
ЖССТ рўйхатидан жой олган биринчи гуруҳга мунсуб қуйидаги касалликларга қарши ҳали эмлаш воситалари мавжуд эмас:
- А гуруҳига кирувчи стрептококклар,
- гепатит C вируси,
- ОИВ-1 (HIV-1)
- Клебсиелла пневмонияси.
Иккинчи гуруҳга мансуб қуйидаги патогенларга қарши вакциналар яратилган, аммо уларни келгусида янада такомиллаштириш зарур:
- цитомегаловирус,
- грипп вируси,
- лейшманиоз,
- сальмонеллёз,
- норовирус,
- безгак плазмодияси,
- шигелла,
- тилларанг стафилококк.
Учинчи гуруҳга мансуб қуйидаги касалликларга қарши вакциналар эса назорат қилувчи органлар томонидан рўйхатга олиниш арафасида:
- денге безгаги,
- B гуруҳига кирувчи стрептококклар,
- ичак таёқчаси,
- туберкулёз,
- респиратор-синцитиал вирус.
