Таниқли кинопродюсер вафот этди
Қудратилла Файзуллаев кўплаб ўзбек филмларида продюсерлик қилган.

Таниқли кинопродюсер, Ўзбекистон Киноарбоблари ижодий уюшмаси аъзоси Қудратилла Файзуллаев вафот этди.
Бу ҳақда Кинематография агентлиги хабар берди. Файзуллаев кўплаб ўзбек киноларида продюсерлик қилган. Унинг сўнгги ишларини "Ипак" ("Пулинг бўлса..."), "Мактаб – ҳаётим" каби картиналар орқали эслаш мумкин.
Шунингдек, "Омад", "Менинг дўстим жин", "Бевалар", "Менинг акам бўйдоқ", "Сўнгги қўнғироқ", "Тундан тонггача", "Сўнгги лаҳза", "Нотаниш" каби кўплаб филмларда ҳам продюсер бўлиб ишлаган.