Алимент тўловлари миқдори ошади
1 октябрдан ишсиз алимент тўловчилар томонидан тўланадиган алимент миқдори 10 фоизга, қарздор педагогларники эса 15 фоизга ошади.
Ўзбекистонда алимент тўловлари ошади.
Мажбурий ижро бюросининг бўлим катта инспектори Ҳакимжон Икромовга кўра, алимент ундируви 2024 йил 1 сентябрдан бошлаб, қарздорнинг нафақасига қаратилган ижро ҳужжатлари бўйича тўланадиган алимент миқдори 15 фоизга, 1 октябрдан бошлаб, қарздор педагог ходимларнинг иш ҳақига қаратилган ижро ҳужжатлари бўйича тўланадиган алимент миқдори 15 фоизга, хусусий сектор ва буджет ташкилотларида фаолият юритувчи қарздорларнинг иш ҳақига қаратилган ижро ҳужжатлари бўйича тўланадиган алимент миқдори эса 10 фоизга ошади.
Бундан ташқари, 2024 йил 1 октябрдан ишсиз алимент тўловчилар томонидан тўланадиган алимент миқдори ҳам ўртача 10 фоизга ошади.
Маълумот учун: агар алимент тўловчи шахс ишламайдиган бўлса ёки унинг иш ҳақи ва даромадини тасдиқловчи ҳужжатлар тақдим қилинмаган бўлса, алимент қарзи ундирилаётган вақтда Ўзбекистондаги ўртача ойлик иш ҳақи миқдори бўйича ҳисоблаб чиқилади.
Эслатиб ўтамиз, Президент фармони билан 1 сентябрдан пенсиялар, 1 октябрдан эса бюджет ташкилотлари маошлари ошиши белгиланганди.