NATO admirali Rossiya bilan urush xavfini eʼlon qildi
Uning aytishicha, alyans yaqin 20 yilda mojaroga tayyor turishi kerak.
NATO harbiy qoʻmitasi rahbari yaqin 20 yil ichida Rossiya bilan urush boshlanishi mumkinligidan ogohlantirdi.
Golland admirali Rob Bauerning aytishicha, alyans tinch yashashda davom etishini oddiy deb hisoblamasligi va Rossiya bilan urushga tayyorgarlik koʻrishi kerak.
Bauer payshanba kuni tushdan keyin jurnalistlar bilan suhbatlashdi, uning soʻzlari Britaniyaning Daily Telegraph nashrining juma kungi sonida toʻliq iqtibos qilingan boʻlib, uning bosh sahifasida “NATO kelgusi 20 yil ichida Rossiya bilan urush haqida ogohlantiradi” sarlavhasi bilan chiqqan.
“Biz tushunib yetishimiz kerakki, tinch-totuvlikda yashayapmiz, bu oddiy narsa emas. Biz Rossiya bilan ziddiyatga tayyorlanyapmiz", - deya Bauerning soʻzlarini keltiradi Telegraph muxbiri.
U Shvetsiya rasmiylarini fuqarolarni urushga tayyorgarlik koʻrish haqida ogohlantirgani uchun olqishladi. “Biz shu yerdan boshlashimiz kerak. Hamma narsani rejalashtirish mumkin emasligini va yaqin 20 yilda hammasi mukammal boʻlmasligini anglashdan kelib chiqib harakat qilish kerak”, dedi admiral.
Kelasi haftada NATO “Steadfast Defender 2024” keng koʻlamli mashgʻulotlarini boshlaydi, unda 90 mingga yaqin askar (jumladan, 20 ming britaniyalik) ishtirok etadi. Ushbu mashqlar may oyiga qadar davom etadi.