Термизга снаряд учиб тушганига бир йил бўлди

Platina.uz 5 июль санаси билан боғлиқ муҳим воқеликларни жамлади.

Халқаро меҳнаткашлар куни

Арманистонда Конституция, Аргентинада болалар куни.

Воқеалар

• 1687 йил – Исаак Ньютон “Табиий фалсафанинг математик бошланиши” китобини нашр этди.
• 1811 йил – Венесуэла Жанубий Америкадаги испан мустамлакаларидан биринчи бўлиб ўз мустақиллигини эълон қилди.
• 1915 йил - австрияликлар Италия армиясининг сирли "Қизил шифрини" ёриб юборишди.
• 1924 йил - Парижда 7-ёзги Олимпия ўйинларининг тантанали очилиш маросими бўлиб ўтди.
• 1934 йил - Сан-Францискода "Қонли пайшанба" бўлган кун.
• Маълумот учун: шу куни Америка Қўшма Штатларининг ғарбий соҳилида 83 кун давомида иш ташлаш бўлган.
• 1954 йил – Би-би-си телевидениеси янгиликларининг биринчи нашри чиқди. Унинг бошловчиси Ричард Бейкер 1954 йилдан 1982 йил Янги йилга қадар 28 йил давомида янгиликларни ўқиш бўйича рекорд ўрнатди.
• 19 ёшли Элвис Пресли ўзининг "That’s All Right" (“Ҳаммаси жойида”) номли биринчи қўшиғини ёзди.
• 1962 йил – Жазоир Франциядан ажралиб, мустақилликка эришган.
• 1994 йил – 30 ёшли америкалик Жефф Безос Amazon компаниясига асос солган.
• Хитой болалар меҳнатидан фойдаланишни тақиқлаган.
• 1998 йил - Япония Марсга космик кема юборди ва космик тадқиқотлар бўйича АҚШ ва Россиядан кейин учинчи давлатга айланди.
• 2003 йил – Жаҳон соғлиқни сақлаш ташкилоти 2002-2004 йиллардаги САРС эпидемияси тўхтатилганини эълон қилди.
• 2009 йил – Хитойнинг Шинжон-Уйғур автоном вилоятининг пойтахти Урумчи шаҳрида бир қатор тартибсизликлар бошланди.
• 2022 йил – Ўзбекистон чегара ҳудудига Афғонистон ҳудудидан отилгани тахмин қилинаётган 5 та реактив снаряд учиб тушди. Улар портламаган, инсоний қурбонлар ва вайронагарчиликлар бўлмаган.
• Жанубий Кореяда ўтказилган Осиё чемпионатидан сўнг таэквондочиларнинг янгиланган рейтинги эълон қилинди. Ўзбекистонлик спортчи Чарос Қаюмова илк бор аёллар ўртасидаги жаҳон рейтинги етакчисига айланди.

Таваллудлар

• 1931 йил — иқтисод фанлари доктори, профессор, Ўзбекистонда хизмат кўрсатган фан арбоби Эргаш Акрамов;
• 1950йил — раққоса, Ўзбекистон халқ артисти Дилафрўз Жабборова;
• 1995 йил — ўзбек футболчиси, ҳозирда "Сўғдиёна Жиззах" жамоасида Ўзбекистон Лигасида ўйнаётган Мурод Ражабов;
• 1989йил — ўзбек эркин курашчиси, 2015 йилги Жаҳон чемпионатининг кумуш медали совриндори, қитъа чемпионатларининг кўп маротаба совриндори, халқаро тоифадаги спорт устаси Ихтиёр Наврўзов.