Чироқчи ва Миришкорга вақтинча ҳокимлар тайинланди
Жумладан, Эргашев Зафар Исмоилович Чироқчи тумани ҳокими вазифасини вақтинча бажарувчи этиб тайинланди.
Икки туманга вақтинчалик ҳокимлар тайинланди, улар шу вақтгача ҳоким ўринбосари вазифасини бажариб келган.
Жумладан, Эргашев Зафар Исмоилович Чироқчи тумани ҳокими вазифасини вақтинча бажарувчи этиб тайинланди. Аввалги ҳоким Чироқчи тумани ҳокими Эркаев Нодир Худайбердиевич 11 июл куни лавозимидан озод этилганди.
Сариқов Анвар Азаматович Миришкор тумани ҳокими вазифасини вақтинча бажарувчи этиб тайинланди. Аввалги ҳоким Миришкор тумани ҳокими Санаев Шерали Чориевич бир неча кун аввал лавозимидан озод этилганди.
Эслатиб ўтамиз, президент Шавкат Мирзиёев сўнгги видеоселектор йиғилишида 12 нафар ҳокимни ишдан олиш бўйича топшириқ берганди.