Россия қўшинлари собиқ қўмондони қамоққа ташлангани айтилди
Ҳарбий мухбир Владимир Романов Суровикин гуёки тергов изоляторида эканлиги ҳақида хабар берган.
Тармоқда Россиянинг Украинадаги қўшинлари собиқ қўмондони, Россия ҳарбий-космик кучлари раҳбари генерал Сергей Суровикин қамалгани бўйича хабарлар тарқалди.
Лекин унинг ёрдамчиси, генерал-полковник Aндрей Юдин Суровикин билан бирга Москванинг Лефортово туманидаги тергов ҳибсхонасида эканлиги ҳақидаги маълумотни рад этди.
Бу маълумотни Кремлга яқин ОАВлар ҳам тасдиқлаган.
Юдиннинг сўзларига кўра, генерал Суровикин таътилда уйда.
Бунгача ҳарбий мухбир Владимир Романов ўзининг Телеграм-каналида Суровикин гўёки тергов изоляторида эканлиги ҳақида хабар берган. Унинг сўзларига кўра, Суровикин 2023 йил 25 июнда, Пригожин исёнидан кейин "олиб кетилган".
Кейинроқ Телеграм каналларида генерал Юдин ҳам тергов изоляторига жойлаштирилгани ҳақида маълумотлар пайдо бўлди.
Эслатиб ўтамиз, генерал Суровикин 2022 йил октябрдан 2023 йил январгача Россиянинг Украинадаги қўшинларини бошқарган. Сўнгра унинг ўрнига Евгений Пригожиннинг кескин танқидига учраган Валерий Герасимов қўмондон этиб тайинланди.