Украина НАТО билан ҳамкорлик қилган кун

Platina.uz 9 июль санаси билан боғлиқ муҳим воқеликларни жамлади.

Бугун Ўзбекистонда муддатидан олдин президент сайлови бўлиб ўтмоқда.

Воқеалар

• 1401 йил– қирқ кунлик қамалдан сўнг Амир Темур қўшинлари Бағдод шаҳрини иккинчи марта эгаллади.
• 1816 йил – Аргентина Испаниядан мустақиллигини эълон қилди.
• 1850 йил – АҚШ президенти Закари Тейлор хом мева ва музли сут истеъмол қилгандан кейин вафот этди; унинг ўрнини вице-президент Миллард Филлмор эгаллади.
• 1877 йил – Уимблдон биринчи чемпионати бошланди.
• 1918 йил – "Буюк поезд ҳалокати" – Қўшма Штатлардаги энг ёмон темир йўл ҳалокати содир бўлди.1918 йилги Нешвил ҳалокатиБуюк поезд ҳалокати сифатида танилган, 9июл сешанба куни эрталаб Теннесси штатининг Нашвилл шаҳрида, Нашвилл, Чаттанога ва Цент-Лутернинг бир йўл участкасида йирик темир йўл ҳалокати содир бўлган эди. Ҳалокатда жами 101 киши – 87 йўловчи ва 14 темир йўл ишчиси ҳалок бўлди. Расмий маълумотларга кўра, бу АҚШ тарихидаги энг йирик темир йўл ҳалокатидир.
• 1923 йил– Туркистон Республикаси Меҳнат Халқ Комиссарлиги ўзининг 50-сонли махсус қарори билан «Инқилобий байрамлар ва дам олиш кунлари»ни белгилади.
• 1937 йил– Сталин билан шахсан учрашиш ниятида Москвага борган Ўзбекистон ҳукумати раиси Файзулла Хўжаев Москвадаги «Национал» меҳмонхонасида қамоққа олинди ва Лефортово қамоқхонасига ташланди. Унга совет ҳокимиятига қарши «аксилсовет ўнг троскийчи блок» фаолиятига қўшилганлик ҳамда «Миллий Иттиҳод» яширин ташкилоти фаолиятига 1921–1924 йилларда раҳбарлик қилганлик, «босмачилик» ҳаракати ва қўрбошиларни қўллаб-қувватлаганлик, Фитрат, Чўлпон, Абдулла Қодирий ва бошқа ўзбек зиёлиларига ғамхўрлик кўрсатганлик каби айбловлар қўйилди.
• 1945 йил – Ўрта Осиё ҳарбий округи 2 қисмга – Қозоғистоннинг катта қисмини қамраб олган Дашт округи ва Ўрта Осиёнинг 4 та республикаси ҳудудларини қамраб олган Туркистон ҳарбий округига бўлинди. 1946 йил 13 февралда Дашт округи тарқатилиб, унинг ҳудуди Туркистон ҳарбий округи таркибига киритилди.
• 1957 йил – даврий системанинг 102-элементи - нобелий топилди.
• 1997 йил – Украина НАТО билан ҳамкорлик шартномасини имзолади.
• 2002 йил – Буюк Британияда шифокорларнинг эътиборсизлиги натижасида сунъий уруғлантириш клиникасида оқ танли жуфтликдан қора танли эгизаклар дунёга келди. Ота-оналарнинг фикрича, лаборатория ходимлари пробиркаларни аралаштириб юборган.
• 2012 йил– Ўзбекистон Республикаси Вазирлар Маҳкамасининг «Нодир, алоҳида қимматли ва ноёб нашрлар сақланишини таъминлаш, уларнинг фондини тизимли кўпайтириш ва бойитиш чора-тадбирлари тўғрисида»ги қарори қабул қилинди.
• 2019 йил – Ўзбекистон Республикаси Президентининг «Математика таълими ва фанларини янада ривожлантиришни давлат томонидан қўллаб-қувватлаш, шунингдек, Ўзбекистон Республикаси Фанлар академиясининг В.И. Романовский номидаги Математика институти фаолиятини тубдан такомиллаштириш чора-тадбирлари тўғрисида»ги қарори қабул қилинди.
• Ўзбекистон Республикаси Вазирлар Маҳкамасининг «Тошкент кимё-технология институтининг Янгиер филиалини ташкил этиш тўғрисида»ги қарори қабул қилинди.
• 2022 йил – Россиянинг Украинага бостириб кириши: Донецк вилоятидаги Часов Ярга ракета ҳужуми, 40 дан ортиқ одам ҳалок бўлди.

Таваллудлар

• 1927 йил – мусиқашунос, Ўзбекистонда хизмат кўрсатган санъат арбоби, профессор Тамара Соломонова;
• 1986 йил – “Тараққиёт стратегияси” маркази ижрочи директори, шунингдек, Ўзбекистон Республикаси Олий Мажлиси Қонунчилик палатаси депутати, Ўзбекистон Республикаси Олий Мажлиси палатасининг Бюджет ва иқтисодий ислоҳотлар қўмитаси аъзоси, “Миллий Тикланиш” демократик партияси Марказий Кенгаши аъзоси Элдор Туляков.
• 1994йил – ўзбек футболчиси, АГМК ҳимоячиси Сардор Раҳмонов.