Марк Цукерберг Twitter‘га рақобатчи тармоқни ишга туширди
Бир кун давомида бутун дунёдан 30 миллионга яқин фойдаланувчи платформага қўшилди.
5 июл куни Марк Цукербергнинг Meta компанияси Twitter микроблоги рақобатчиси Threads тармоғини расман ишга туширди.
Бир кун давомида бутун дунёдан 30 миллионга яқин фойдаланувчи платформага қўшилди.
Компания уни яратиш режасини уч ой олдин эълон қилган эди. Пайшанба куни эрталаб компания маълумотларига кўра, бир кунда том маънода Threads‘га 30 миллионга яқин фойдаланувчи қўшилган, жумладан, таниқли брендлар, машҳурлар, журналистлар ва бошқа кўплаб таниқли фойдаланувчилар, деб хабар беради CNN.
Кўпчилик фойдаланувчилар янги платформани “Тwitter қотили” деб аташди. Бундан ташқари, 6 июл куни Threads AppStoreда энг машҳур платформага айланди.
Платформа Твиттерга жуда ўхшайди. Aсосан матнли хабарлар ёзилган лента мавжуд. Фойдаланувчилар фотосуратлар ва видеоларни жойлаштиришлари, шунингдек, бошқа одамларнинг нашрларини репост қилиш, жавоб бериш ёки иқтибос келтириш орқали реал вақт режимида суҳбатлашишлари мумкин.
Ҳар бир постда 500 та белги чегараси мавжуд. Мавзулардаги хабарларни Instagram Storiesда баҳам кўриш мумкин. Ҳисоблар очиқ ёки шахсий бўлиши мумкин. Threads ҳозирда 100 мамлакатда, 30 дан ортиқ тилда мавжуд.
Эслатиб ўтамиз, Тwitter эгаси миллиардер Илон Маск ўзаро келишмовчиликлар сабаб Meta хўжайини Марк Цукербергни жангга таклиф қилган ва ушбу чақириқ қабул қилинганди.
