Qashqadaryoda tibbiyot xodimlarining 17 yil deganda birinchi marta “premiya” olgani maʼlum boʻldi
Qashqadaryo viloyati Qarshi tumani tibbiyot birlashmasiga qarashli markaziy shifoxonaning tez yordam boʻlimida ishlovchi shifokorlar va hamshiralar binoda ishlash uchun sharoit yoʻqligi boʻyicha “Mening yurtim” telekanalining “Markaziy studiya” dasturiga murojaat qilishibdi. Eng hayratlanarlisi, oylik maoshlarida jiddiy kamchilik borligini aytgan shifokorlar 17 yil deganda birinchi marta bayram puli – “premiya” olishibdi. Shuningdek, murojaatchilar masʼullarning yolgʻon “svodka” berishganidan norozi. “Mening yurtim” telekanali “Markaziy studiya” dasturining bu boradagi soʻroviga esa masʼullar barchasi “etap” bilan boʻladigan ishligini taʼkidlashmoqda.