Туркия президенти Шавкат Мирзиёевга электрокар совға қилмоқчи

Туркия президенти Ражаб Тоййиб Эрдўғон 3 апрель куни мамлакатда ишлаб чиқарилган Togg T10X электромобилининг биринчи эгаси бўлди. Бу ҳақда ЕHA Media хабар берди.

Анқарадаги Президент мажмуида автомобиль калитларини тантанали топшириш маросими бўлиб ўтди. Маросимда Туркия президентининг рафиқаси Эмине Эрдўғон ҳам иштирок этди.

Туркия етакчиси ушбу автомобил Озарбайжон президентига юборилганини ва Ўзбекистон раҳбарига ҳам совға қилинишини маълум қилган.

Унинг айтишича, айни кунларда учрашув вақти келишилмоқда.