Samarqandda ham bir guruh zoʻravonlar qoʻlga olindi
Ularning 6 nafariga nisbatan jinoyat ishi qoʻzgʻatildi, 25 nafari maʼmuriy tartibda qamoqqa olindi.
Samarqand viloyatida ham “Dolzarb 40 kunlik” maxsus profilaktik tadbirlari doirasida jinoiy guruxlarga aʼzo boʻlgan, ijtimoiy muxitga salbiy taʼsirini oʻtkazishga uringan bir necha shaxslar qoʻlga olindi.
Xususan, 47 nafar jinoiy guruh aʼzolari qoʻlga olinib, ularning 6 nafariga nisbatan jinoyat ishi qoʻzgʻatildi, 25 nafari maʼmuriy tartibda qamoqqa olindi.
Reyd tadbirlari davomida, ushbu shaxslardan giyoxvandlik va psixotrop vositalar, sovuq qurollar (kastet, bita va b.) protsessual tartibda rasmiylashtirildi.
Avvalroq Toshkentda "Salimboy" nomi bilan tanilgan Salim Abduvaliyev, “Sayidaziz medgorodok”, “Baxti Tashkentskiy” va uning Fargʻonadagi sherigi, Toshkentda yana 10 kishi va zoʻravonlikda ayblanib B.B.A. (1985 y.t.) qoʻlga olingan edi. Shuningdek, "tozalash" ishlari Fargʻona, Andijon va Namanganda ham boshlab yuborilgan.