Buxoro tumani sobiq hokimi ham ushlandi
Unga Jinoyat kodeksining 5 ta moddasi boʻyicha ayblov qoʻyilyapti.
![Buxoro tumani sobiq hokimi ham ushlandi](https://cp.platina.uz/media/CACHE/images/photo_2023-12-19_17-49-58.af0239ad13f8.webp)
Buxoro tumani sobiq hokimi Xayrullo Joʻrayev viloyat prokurorining birinchi prokurori iltimosnomasi bilan qamoqqa olingan.
U Jinoyat kodeksining 205-moddasi (hokimiyat yoki mansab vakolatini suiisteʼmol qilish) 2-qismi a bandi, 206-moddasi (hokimiyat yoki mansab vakolati doirasidan chetga chiqish) 2-qismi a bandi, 207-moddasi (mansabga sovuqqonlik bilan qarash) 1-qismi, 209-moddasi (mansab soxtakorligi) 2-qismi a bandi va 229-4-moddasi (yer berish tartibini buzish) 2-qismi a bandida nazarda tutilgan jinoyatlarni sodir etganlikda gumon qilinyapti.
Avvalroq suv taʼminotidagi talon-torojliklar fosh etilib, Namangan viloyati hokimi oʻrinbosari, qishloq xoʻjaligi vazirligi sobiq amaldorlari ham qamoqqa olingan edi.