Исроил фаластинлик асирларни озод этишга киришди
ҲАМАС эса урушда асир олинган барча исроилликларни қайтарди. Айни дамда АҚШ раҳбари Доналд Трамп Исроилда бўлиб турибди.
Фаластинлик асирлар босқичма-босқич озод этила бошланди.
АҚШ президенти Доналд Трамп Исроил парламенти билан олиб борган музокаралар натижасида фаластинлик асирлар босқичма-босқич озод қилиниши бошланяпти.
Энг сўнгги маълумотларга қараганда, Ғазода қолган барча гаровдагилар ҲАМАС асирлигидан озод қилинди ва икки йиллик урушдан сўнг Исроилга қайтарилди. Исроил ҳарбийлари томонидан 13 кишилик гаровдагилар гуруҳи эндигина чегарадан олиб ўтилди, ундан олдин эса 7 кишилик бошқа бир гуруҳ озод қилинган эди.
АҚШ илгари сурган ўт очишни тўхтатиш тўғрисидаги келишувнинг биринчи босқичининг бир қисми сифатида, умрбод қамоқ жазосини ўтаётган 250 нафар фаластинлик маҳбус ҳам озод қилинди.
Шунингдек, Ғазода юзлаб одамлар 2023 йил 7 октябрдан бери Исроилда сақланаётган 1 718 нафар фаластинлик маҳбуснинг озод қилинишини кутмоқда.
Эслатиб ўтамиз, Қўшма Штатлар президенти 9 октябр санасида ҲАМАС ва Исроил томонидан маъқулланган сулҳни тузишга эришганди. Трамп хабарида сулҳнинг биринчи босқичида гаровларни озод қилишни иккала ҳукуматга ҳам юклаганди.
Трамп ҳозирда Исроил парламентига етиб келди ва у ерда Исроил Бош вазири Бинямин Нетаняху билан учрашди. Кейинроқ у Кнессет аъзоларига мурожаат қилади ҳамда айрим гаровга олинганларнинг оила аъзолари билан ҳам учрашади.
Шундан сўнг Трамп Мисрга йўл олади ва у ерда 20 дан ортиқ давлат раҳбарлари Ғазонинг келажагига бағишланган саммитда иштирок этиши режалаштирилган.
Аввалроқ Ғазо секторида асирларни алмашиш бошлангани хабар берилганди.