Германияда аэропорт ходимлари оммавий иш ташлади
Бу иш ташлаш 500 мингдан ортиқ йўловчига таъсир қилиши кутиляпти.
Германия аэропортларида миллий иш ташлаш туфайли юзлаб рейслар бекор қилинди.
Аэропорт ишчиларининг иш ташлаши 9 март куни Гамбург аэропортида бошланган ва шундан сўнг бутун мамлакат бўйлаб иш ташлашга айланган.
Немис ОАВлари кун давомида минглаб рейслар бекор қилинишини, бу эса 500 мингдан ортиқ йўловчига таъсир қилиши ҳақида хабар бермоқда.
Гамбург аэропортида душанба кунига режалаштирилган 143 та рейснинг барчаси бекор қилинди. Мюнхен аэропорти “парвозлар жадвали сезиларли даражада қисқаргани” ҳақида огоҳлантирди ва бугун кутилаётган 820 та рейснинг аксарият қисмини бекор қилди.
Франкфуртда жойлашган Lufthansa ўз йўналишлари бўйлаб "кечикишлар ва кенг қамровли бекор қилишларни" тасдиқлади.
Авиакомпаниянинг бугунги кунга режалаштирилган 1770 та рейсларининг аксарияти аллақачон бекор қилинган.
Штутгарт, Дюсселдорф, Кёлн ва Берлинда яна юзлаб бекор қилиниши кутилмоқда.
Германия давлат сектори ва транспорт ходимлари вакили бўлган Verdi касаба уюшмаси вакили иш ташлаш кўплаб йўловчиларга таъсир қилишини тан олди, аммо иш берувчилардан яхшироқ шартларни ютиб олиш зарурлигини айтди.
Касаба уюшмаси аэропорт ишчиларининг маошини 8 фоизга оширишни (ойига камида 350 евро), шунингдек, бонуслар ва қўшимча дам олиш вақтини оширишни талаб қилмоқда. Иш берувчилар ҳозиргача бу талабларни бажариб бўлмайдиган деб рад этишди.
Verdi аэропортдаги иш ташлашдан ташқари, Германиянинг бир қанча шаҳарларида, жумладан, ўтган ҳафтадан бери чиқинди қутилари бўшатилмаган Берлин, Эссен ва Киелда ҳам чиқинди йиғувчиларни иш ташлашга чақирди.
