Олти йилга қамалган собиқ котибият мудири оқланди
Азатбай Чавдурбаев 2003-2012 йилларда Хоразм вилояти ҳокими биринчи ўринбосарининг котибият мудири сифатида ишлаган.
Жамият
Кеча, 13:30
Хоразм вилояти ҳокими биринчи ўринбосарининг собиқ котибият мудири оқланди.
Хоразм вилоят суди жиноят ишлари бўйича судлов ҳайъати кассация инстанциясининг ҳукмига мувофиқ 69 ёшли Азатбай Чавдурбаевнинг ҳуқуқлари тикланиб, оқланди. Бу ҳақда Олий суд хабар берди.
У 2003-2012 йилларда Хоразм вилояти ҳокими биринчи ўринбосарининг котибият мудири лавозимида ишлаган. 2012 йилда суд ҳукми билан ЖКнинг 210-моддасида айбланиб, 6 йиллик қамоқ жазосига ҳукм этилган.
2024 йилда даъво аризаси билан вилоят судига мурожаат қилинади. Уч нафар судядан иборат судлов ҳайъати ишни кўриб чиққан. Натижада у айбсиз деб топилиб, оқланди.
