Хусусий радарлар хавфсизлик камари бўйича қоидабузарликларни қайд этишни бошлайди
Ҳукумат қарорига кўра, мазкур тартиб 2026 йил 1 ноябрдан жорий этилади.
Тадбиркорлар ўрнатган радарларга "Ремент" тақмаганлик қоидабузарлигини қайд этишга рухсат берилади.
"Йўл ҳаракати қоидалари бузилганлигини махсус автоматлаштирилган фото ва видео қайд этиш дастурий-техник воситалари орқали қайд этиш тизимини такомиллаштириш бўйича қўшимча чора-тадбирлар тўғрисида"ги Ҳукумат қарори (596-сон, 29.10.2026 й.) қабул қилинди.
Қарорга кўра, 2026 йил 1 ноябрдан тадбиркорлар томонидан ўрнатилган йўл ҳаракати қоидалари бузилганлигини махсус автоматлаштирилган фото ва видео қайд этиш дастурий-техник воситалари орқали:
- ҳайдовчиларнинг транспортни бошқариш ва йўловчилар ташишда хавфсизлик камаридан фойдаланиш қоидаларига риоя этмаслик қоидабузарликларини қайд этишга рухсат берилади.
Қарор билан Вазирлар Маҳкамасининг 2021 йил 21 апрелдаги 232-сон қарорига ўзгартириш ва қўшимчалар киритилди.
Унга кўра, ҳайдовчиларнинг хавфсизлик камаридан фойдаланиш қоидаларига риоя этмаслигини фото ва видео қайд этиш тизимига қўйиладиган умумий техник талабларга мувофиқ тизим:
- хавфсизлик камаридан фойдаланиш қоидаларига риоя этмаслиги ҳолати бўйича «Маъмурий амалиёт» модулига автоматик равишда қуйидаги маълумотларни узатиш имкониятига эга бўлиши керак:
- метрологик қиёслаш гувоҳномасининг рақами ва амал қилиш муддати;
- қоидабузарлик аниқланган сана ва вақт;
- қоидабузарлик содир этилган жойнинг аниқ координаталари;
- электр тармоғида узилишлар юз берганда, унинг фаолиятини 8 соатдан кам бўлмаган вақт давомида қўллаб-қувватлаш имкониятига эга бўлган захира электр манбаи билан жиҳозланган бўлиши лозим.
Махсус автоматлаштирилган фото ва видео қайд этиш тизими орқали хавфсизлик камаридан фойдаланиш қоидаларига риоя этмаслигини қайд этишда:
- ҳайдовчининг юз кўриниши, хавфсизлик камаридан фойдаланган ёки фойдаланмаганлиги юқори сифатдаги фотосуратларда акс эттирилиши шарт.
