Сентябр-октябрь ойларида 5,3 миллион куб метр фойдали қазилма ноқонуний қазиб олингани аниқланди
Ҳисобот даврида хавфли ишлаб чиқариш объектларида жами 18 та бахтсиз ҳодиса қайд этилган ва шулардан 7 таси ўлим билан якунланди.
2026 йил сентябрь-октябрь ойларида ер қаъридан фойдаланиш соҳасида 576 та назорат тадбири ўтказилган. Шулардан 235 таси текширув натижасида жами 5,3 миллион куб метр фойдали қазилма ноқонуний қазиб олингани аниқланган. Мазкур ноқонуний ҳолатлар натижасида давлат ва жамият манфаатларига етказилган зарар 106 миллиард сўм миқдор ҳисобланган. Бу ҳақда 29 октябрь куни Контент марказдаги матбуот анжуманида Тоғ-кон саноати ва геология соҳасини назорат қилиш инспексияси маълум қилди.
Тоғ-кон саноати ва геология соҳасини назорат қилиш инспекцияси фаолиятини мувофиқлаштириш бўлими бошлиғи Акбар Хўжақуловга кўра, ҳозирги вақтда давлат ва жамият манфаатларига етказилган 60 млрд сўмга яқин пул давлат ҳисобига келиб тушган.
Фойдали қазилмаларни қазиб олиш шартларига риоя қилинмаган тадбиркорларлик субектларига тегишли 117 та рухсатнома юзасидан судларга даъво аризалари киритилган. Натижада 43 та рухсатнома муддатидан олдин бекор қилинган, яъни 55 та рухсатнома бўйича тегишли тақдимномалар киритилган.
Ўтган 9 ой давомида хавфли ишлаб чиқариш обектларида 18 та бахтсиз ҳодиса қайд этилган. Шулардан 7 таси ўлим билан якунланган, 8 таси оғир тан жароҳати олган, 3 таси эса гуруҳий бахтсиз ҳодиса сифатида қайд этилган.
