Ижтимоий ҳимоя миллий агентлиги лойиҳалари халқаро мукофотга сазовор бўлди
Озарбайжоннинг Хонканди шаҳрида ўтказилган «SOCGOV 2026 – Ақлли бошқарув учун рақамли таҳлил» халқаро форуми доирасида «AI4DOST Social Award 2026» танлови ғолибларини тақдирлаш маросими бўлиб ўтди.
Ижтимоий ҳимоя миллий агентлиги лойиҳалари «AI4DOST Social Award 2026» мукофотига сазовор бўлди: «ИНСОН» марказлари ғолиб деб топилди, яна учта лойиҳа финалистлар қаторига кирди.
Озарбайжоннинг Хонканди шаҳрида ўтказилган «SOCGOV 2026 – Ақлли бошқарув учун рақамли таҳлил» халқаро форуми доирасида «AI4DOST Social Award 2026» танлови ғолибларини тақдирлаш маросими бўлиб ўтди. Турли давлатлардан тақдим этилган 84 та лойиҳадан 20 таси финалга чиқди, 7 таси ғолиб деб топилди.
«Минтақавий ижтимоий ташаббус» номинацияси ғолиби:
«ИНСОН марказлари ва маҳалладаги ижтимоий ходимлар тизими: маҳалла билан интеграциялашган смарт тизим». Бугунги кунда «ИНСОН» тизими Ўзбекистоннинг барча ҳудудларида фаолият юритмоқда: 208 та марказ 100 дан ортиқ хизмат кўрсатади, уларнинг 80 фоиздан ортиғи рақамлаштирилган.
Яна учта лойиҳа финалист сертификатлари билан тақдирланди:
«IMKON: Ҳар бир болага эшикларни очамиз» («Минтақавий ижтимоий ташаббус» номинацияси); «Ёрдамчи технологиялар учун смарт-ваучер экотизими» («Ижтимоий соҳада сунъий интеллектга асосланган рақамли ечимлар» номинацияси); «Тўсиқсиз касблар» — Агентлик ҳузуридаги Халқаро инклюзив ҳуб лойиҳаси («Минтақавий ижтимоий ташаббус» номинацияси).
