Тошкентда қизамиқ тарқалгани бўйича хабарларга изоҳ берилди
Тарқалган кўрсаткичлар 2026 йилнинг ўтган 9 ойи давомидаги жамланма (умумий) маълумот бўлиб, уларни айнан ҳозирги кундаги вазият деб талқин қилиш нотўғри, дейилади хабарда.
Тошкентда қизамиқ тарқалгани бўйича хабарлар рад этилди.
Ижтимоий тармоқларда Тошкент шаҳрида қизамиқ касаллигига гумон қилинган 290 та ҳолат аниқлангани ва 10 минг атрофидаги мулоқотда бўлганлар рўйхатга олингани ҳақида хабарлар тарқалмоқда.
ССВга кўра, айни пайтда пойтахт ва мамлакатимизда қизамиқ бўйича эпидемиологик вазият барқарор, хавотирга ҳеч қандай асос йўқ.
Тарқалган кўрсаткичлар 2026 йилнинг ўтган 9 ойи давомидаги жамланма (умумий) маълумот бўлиб, уларни айнан ҳозирги кундаги вазият деб талқин қилиш нотўғри.
Эътиборлиси, қизамиқ билан касалланиш кўрсаткичи 2025 йилнинг мос даврига нисбатан 40 фоизга камайган.
