"Ажал араваси": 9 ой ичида мопед ва скутерлар иштирокидаги ЙТҲларда 89 киши ҳалок бўлди
2025 йил давомида мопед ва скутер ҳайдовчилари томонидан йўл ҳаракати қоидаларини бузиш билан боғлиқ қарийб 300 та ҳолат аниқланган бўлса, 2026 йилнинг ўтган даврида бу кўрсаткич 4 312 тага етган.
2026 йилнинг 9 ойи давомида мопед ва скутерлар иштирокида 563 та йўл-транспорт ҳодисаси қайд этилган. Бу ҳақда Йўл ҳаракати хавфсизлиги хизмати хабар берди.
Ушбу аварияларда 488 нафар шахс тан жароҳати олган, 89 киши ҳалок бўлган.
2025 йил давомида мопед ва скутер ҳайдовчилари томонидан йўл ҳаракати қоидаларини бузиш билан боғлиқ қарийб 300 та ҳолат аниқланган бўлса, 2026 йилнинг ўтган даврида бу кўрсаткич 4 312 тага етган.
Шунингдек, 162 та ҳолатда мопед ва скутер ҳайдовчилари ҳам тегишли ҳужжатларсиз, ҳам маст ҳолатда бўлгани аниқланган.
Мазкур рақамлар мопед, скутер ва кичик ҳажмли мототранспорт воситаларини бошқаришда хавфсизлик талабларини кучайтириш заруратини кўрсатмоқда, дейилади хабарда.
