Вашингтон ва Орегон штатида 1 сентябр Ўзбекистон мустақиллиги куни деб эълон қилинди

Вашингтон ва Орегон штатида 1 сентябр Ўзбекистон мустақиллиги куни деб эълон қилинди.

Пойтахт Вашингтон мэри Мириел Баузер ҳам фармойишга қўл қўйиб, шаҳарда 1 сентябрни мустақиллик куни дея эълон қилди.

Имзоланган декларацияда мустақиллик кунининг аҳамияти, АҚШнинг эса Ўзбекистон мустақиллигини биринчилардан бўлиб тан олгани кўрсатиб ўтилган.

“Бу йили Республика ўз мустақиллигининг 35 йиллигини нишонлайди. Ушбу сана ҳар йили 1 сентябрда байрам қилиниб, ўзбек халқининг бой маданий мероси, эришган ютуқлари ҳамда халқаро ҳамжамиятдаги нуфузини эътироф этади”, дейилади мэр имзолаган ҳужжатда.

Орегон штати ҳам 1-сентябрни “Ўзбекистон Мустақиллиги куни” деб эълон қилди

​Орегон штати губернатори Тина Котек 2026-йил 1-сентябрни бутун штат миқёсида “Ўзбекистон Мустақиллиги куни” (Uzbekistan Independence Day) деб расман эълон қилди.

Губернатор томонидан имзоланган ва Орегон давлат котиби Тобиас Рид томонидан тасдиқланган прокламацияда Орегоннинг барча аҳолиси ушбу муҳим санани биргаликда нишонлашга чақирилган.

Эслатиб ўтамиз, аввал Сиэтлда 1 сентябр Ўзбекистон мустақиллиги куни деб эълон қилинганди.