Шавкат Мирзиёев Филиппин президентига ҳамдардлик билдирди
Филиппин қирғоқларида содир бўлган зилзила 32 кишининг ҳаётига зомин бўлди, юзлаб одамлар жароҳат олди.
Шавкат Мирзиёев Филиппин президентига ҳамдардлик билдирди.
Ўзбекистон Республикаси Президенти Шавкат Мирзиёев Филиппин Республикаси Минданао оролининг жанубий соҳилларида юз берган кучли зилзила оқибатида кўплаб одамлар ҳалок бўлгани ва жароҳат олгани муносабати билан Президент Фердинанд Маркосга таъзия йўллади.
Давлат раҳбари қурбонларнинг оила аъзолари ва яқинларига ҳамдардлик билдирди, жабрланганлар тез орада шифо топишини тилади.
Филиппин қирғоқларида содир бўлган зилзила 32 кишининг ҳаётига зомин бўлди ва 134 киши жароҳат олди, деб хабар берди Reuters агентлиги маҳаллий ҳокимиятга таяниб. Уларнинг сўзларига кўра, ўлим асосан уйларнинг қулаши ва кўчкилар натижасида бўлган.
Тахминан 700 000 аҳолига эга Генерал Сантос шаҳри энг катта зарар кўрди.
Зилзила магнитудаси 7,8 магнитудани ташкил этди.
