Чехия бош вазири Андрей Бабиш Ўзбекистонга келади
Чехия делегацияси Тошкент, Остона ва Бокуга ташриф буюради. Дастурга бизнес форумлари, семинарлар ва учрашувлар киритилган.
Чехия Бош вазири Андрей Бабиш Ўзбекистонга келади.
Мазкур ташриф минтақавий миқёсда бўлиб, 26-30 апрел кунлари Чехия Бош вазири Қозоғистон ва Озарбайжонга ҳам ташриф буюради.
Ушбу ташриф давомида Бош вазирга Чехия саноат ва савдо вазири Карел Ҳавличек ва чехиялик тадбиркорларнинг вакиллик делегацияси ҳамроҳлик қилади.
Тур давомида Чехия делегацияси Боку, Остона ва Тошкентга ташриф буюради. Дастурга бизнес форумлари, тематик семинарлар, B2B ва B2G тармоқ тадбирлари киради.
Ушбу учрашувларнинг мақсади янги бизнес алоқаларини ўрнатишга кўмаклашиш ва қабул қилувчи мамлакатлардаги бизнес ҳамжамияти билан ҳамкорликни кенгайтиришдир.
