Тошкентда радикалчилар билан алоҳида гуруҳлар ишлайди
Мақсад – адашганни тўғри йўлга қайтариш, жаҳолатга қарши маърифат билан курашиш.
Тошкентнинг ҳар бир туманида “Қайтарув гуруҳлари” фаолияти доимий асосда ташкил қилинади. Мақсад – адашганни тўғри йўлга қайтариш, жаҳолатга қарши маърифат билан курашиш.
Ушбу гуруҳларга Ўзбекистон халқаро исломшунослик академияси, Тошкент ислом институти, “Кўкалдош” ўрта махсус ислом билим юрти, Ўзбекистон Миллий университетининг етук мутахассислари жалб қилинади. Гуруҳ аъзолари моддий рағбатлантирилади.
"Юртимизда эътиқод эркинлиги Конституция билан мустаҳкамланган ва диний бағрикенглик сиёсати давом эттирилади. Лекин бугун турли радикал ва экстремистик ғоялар ахборот технологиялари орқали ёшларимиз онгини заҳарлашга уриняпти. Фақат жазо ва тақиқ билан бу муаммони ҳал қилиб бўлмайди", дейилади президент ўтказган йиғилишда.
