Алишер Султонов лавозимидан озод этилди
У Президентнинг энергетик хавфсизлик бўйича маслаҳатчиси лавозимида ишлаётганди.
Алишер Султонов лавозимидан олинди.
Президентнинг фармони билан, Алишер Саидаббосович Султонов Ўзбекистон Республикаси Президентининг энергетик хавфсизлик бўйича вакили лавозимидан озод этилди. Бу ҳақда президент матбуот хизмати хабар берди.
Алишер Султонов 2015-2018 йилларда "Ўзбекнефтгаз"га раҳбарлик қилган, 2017 йил ноябридан Бош вазир ўринбосари — Геология, ёқилғи-энергетика комплекси, кимё, нефт-кимё ва металлургия саноати масалалари комплекси раҳбари лавозимида фаолият кўрсатган.
2023 йил майида у президентнинг нефт-газ, кимё ва энергетика масалалари бўйича маслаҳатчиси лавозимида ишлаётгани маълум бўлганди.
Унинг ишдан кетиш сабаби ҳозирча мавҳумлигича қолмоқда. У шу йил июлда ушбу лавозимга қайта тайинланганди.
Султонов энергетика вазири бўлиб ҳам ишлаган. Ўша пайтда берган интервюсида "газимиз учта Ўзбекистонни боқишга етади" деган эди.