Доллар курси 12 200 сўмдан пастга тушди
Доллар бир кунда 86 сўмга арзонлади. Иқтисодчилар бу жараённи олтин нархи билан боғлади.
Ўзбекистонда долларнинг расмий курси 12 200 сўмдан ҳам тушди.
Марказий банк 24 сентябрдаги хорижий валюталарнинг сўмга нисбатан расмий курсини эълон қилди.
Унга кўра, 1 АҚШ доллари 86,10 сўмга арзонлаб, 12 171,03 сўм этиб белгиланди. Евро ва рубл курси ҳам тушди. Жумладан, евро 14 364,25 ссўм бўлди (-69,75).
Рубл эса 145,92 сўмни ташкил этди (-0,77). Қозоқ тенгеси 22,33 ссўм (-0,23).
Долларнинг мазкур қиймати вақт ўтган сари пасаймоқда. Масалан, жорий йил 19 июндан расмий курс 12 559 сўмни ташкил этган. Иқтисодчилар буни олтин нархи ўсиши билан боғлаган.