Бир ойлик ҳарбий хизмат тўлови оширилади
Ушбу тўлов 8 млн 85 минг сўмдан 8 млн 897 минг сўмга кўтарилади.
Ўзбекистонда бир ойлик ҳарбий хизмат тўлови оширилади.
1 августдан меҳнатга ҳақ тўлашнинг энг кам миқдори 10% га оширилиб, 1 271 000 сўм этиб белгиланди. Бу асосида сафарбарлик чақирув резерви (1 ойлик ҳарбий хизмат) учун тўлов ҳам 8 085 000 сўмдан — 8 897 000 сўмга кўтарилади.
Йиллар бўйича ўзгаришлар:
2019 — 4 млн 40 минг сўм
2020 — 4 млн 755 минг сўм
2021 — 5 млн 754 минг сўм
2022 — 6 млн 440 минг сўм
2023 — 6 млн 860 минг сўм
2024 — 8 млн 85 минг сўм
2025 (1 августдан) — 8 млн 897 минг сўм.
Эслатиб ўтамиз, 1 августдан Ўзбекистонда ойликлар ошади. Аввал БҲМга боғланган жарималар ҳам ошиши ҳақида ёзгандик.
